Tres encontros co Beiras

 
"Marx sementou xigantes e, pola contra, colleitou pulgas"
(a propósito dos marxistas) F. Engels


Ao calor do 40 aniversario da publicación de “O atraso económico de Galicia” vaise a celebrar en Compostela unha homenaxe popular ao seu autor, Xosé Manuel Beiras.

Como ocorre cos grandes autores a súa obra é un marco de referencia esencial para comprender o seu momento histórico e arroxar luces sobre sombras ou incertidumes, pero ao igual que lle pasou aos mesmos sempre aparecen seguidores ‘escolásticos’ que utilizan a obra como catecismo e elaboran unha ‘teoría’ doutrinaria que nada ten que ver coas ideas do autor.

Este aniversario ademais veu a coincidir cun momento de encrucillada do nacionalismo galego. Estamos, seguramente, diante do nacemento da terceira xeración do galeguismo.

A primeira estivo marcada pola reivindicación do caracter nacional de Galicia nun momento de cambio - da loita agrarias á II república - onde se estaban poñendo os piares dunha nova configuración plural e moderna do estado. A segunda, igualmente de transición da ditadura á democracia, onde o novo nacionalismo de esquerdas combinou dialecticamente os dereitos sociais coas demandas nacionais. Agora estamos no albor da terceira xeración, tamén nun momento de cambio de crise sistémica global, onde ás reivindicacións nacionais e sociais terase que incorporar dous elementos centrais nas contradicións do noso tempo: a radicalidade democrática e a defensa dos dereitos medioambientais dos seres humanos e non humanos e por extensión do planeta.

Ler máis...

vintetrés anos e cinco meses despois

23 anos e 5 meses poden ser moito ou pouco depende de como se mire.

Se chegas a Bohemia desde o que no seu tempo foi a DDR observas pequenos pero importantes cambios.

Tiven a ocasión de facer parada en Berlín antes de volver a Praha.

Berlín é desas cidades que impresiona pola súa forza, pola planificación das súas avenidas. Nela observase unha boa parte da historia da Europa do século XX. Como en substratos mantén vivo os barrios prusianos de inicios do século pasado, as construcións do III Reich ou a diagonal Karl-Marx-Alle construída desde Alexanderplatz e que vertebra o urbanismo desarrollista do antigo Berlín Este.

Os berlineses teñen sabido gardar a esencia da cidade tal cal podémola imaxinar durante ese convulso século XX, mesmo converter en reclamo turístico partes do muro ou o punto de transito (Check-Point-Charlie) entre as zonas de ocupación aliada británica, norteamericana e soviética.

Ler máis...

Por qué eramos comunistas ?

A xeito de epitafio

Da miña morte non culpedes a ninguén, e por favor,
nada de comentarios. Ao defunto lle molestaban enormemente.
Madre, irmáns, camaradas, perdoádeme, non é este o método
( non llo aconsello a ninguén ), pero non teño máis saída.

Como se di:
O incidente está zanxado,
A barca do amor
Estrelouse contra a vida cotiá.

Estou en paz coa vida. Inútil recordar
dolores
desgrazas
e ofensas mutuas”

Vladímir Maiakovski

Sede felices, ( Moscova, 12 de abril de 1930 )*



* Atopei nun antiguo libro este escrito que no seu día copiara dun epitafío que me pareceu precioso. Sexa por Lilia Brik ou pola revolución, o desamor foi o motivo último da morte de Maiakovski.

Sempre paga a pena cruzar o Minho

Sempre é un gusto cruzar o Minho e achegarse a Portugal. Esta vez para asistir ao II FÓRUM ABRAÇAR GUINÉ, organizado pola Associaçao de Cooperaçao com a Guiné-Bissao, e comprobar como bule unha sociedade dinámica e activa.


Tamén sempre é un pracer poder dar unha conferencia en nome de AMARANTE en “portugués da Galiza” e comprobar que nos entenden os irmáns que falan “galego de Portugal”.

... e por suposto lembreime dos meninos cantores