Pensando en democracia

  • imprimir
Share in Chuza!Share in DoMelhorLa TafaneraShare in ZabalduShare in AupatuShare in MenéameShare in TuentiDigg it!Share in FacebookTweet it!Share in Cabozo

lincoln

                                                           o vinte de xaneiro logo do primeiro martes despois do primeiro luns de novembro

 

Se pensas que do que se trata

é da vontade da maioría;

e non dos dereitos das minorías.

Non, non estás a pensar nunha democracia!

 

Se pensas que necesita de adxectivacións,

achegas ou complementos circunstanciais

que reforcen o seu carácter de clase.

Non, non estás a pensar nunha democracia! 

 

Se pensas que o formal é periférico,

que o importante é o fondo e non a forma;

que as regras se poden violentar arbitrariamente.

Non, non estás a pensar nunha democracia!

 

Se pensas que en aras dun valor supremo,

sexa a nación, a patria ou o propio pobo,

é posible conculcar os dereitos do diferente.

Non, non estás a pensar nunha democracia!

 

Se pensas que a contenda política da diferenza

resólvese creando unha foto fixa do disenso

no canto da construción de creativos consensos.

Non, non estás a pensar nunha democracia!

 

Se pensas que o contrario da decencia

é a corrupción e a oligarquía;

unicamente superadas en inmoralidade pola tiranía,

mesmo se esta deriva da vontade popular.

Entón si, si estás a pensar nunha democracia!

 

Xoán Hermida